College assembly

നമ്മൾ എന്നും

                                  സമാന്തരരേഖകൾ

തമ്മിലേറെ പൊരുത്തം നിറഞ്ഞതിനാൽ
കാലം എത്രകഴിഞ്ഞീടിലും
ദൂരം എത്ര താണ്ടീടിലും
ഒന്നായി മാറാൻ കഴിയാതെ വരും
 
നെഞ്ചിലുണ്ട് നേരറിഞ്ഞ പ്രണയം
ചിന്തയുണ്ട് നേരെ പോറ്റിയവർക്കായി
കലിയും കൽക്കിയും വന്നു പോകിലും
മാറിടുമോ ഉലകം

പ്രൗഢി തേടുന്ന പൊരുത്തത്തിനിടയിൽ
മനമറിയുന്ന സമ്മതം മൃതിയടയുന്നു
കവി പാടിയ പാട്ടിലൊക്കെയും
ജീവിതം വസന്തം വിരിയിച്ചു

ഏറെ കിനാവു കൊണ്ട്
സ്നേഹത്തിൻ കൂടൊരുക്കി
ജീവിതനൗകയിൽ ഒന്നായി തുഴയാനോ
ഒന്ന് ഒന്നായി തുഴയാനോ

മുന്നിലുണ്ട് രണ്ട് പാതകൾ
നാം നമുക്കായോ നാം തൻ-
കൂട്ടർക്കായോ, കുറ്റമില്ല കുറ്റപ്പെടത്തലില്ല
ചതിതൻ ചവർപ്പ് ലേശമില്ല

പരിഭവം ഇല്ല പരാതിയില്ല
പരസ്പരം പറയാൻ ഒന്നുമില്ല
സമാന്തരമായി പോക തന്നെ
കാലം കഴിക്കത്തന്നെ

   അത്രമേൽ ഒന്നുപോൽ
  രണ്ട് സമാന്തരരേഖകൾ